pag-una lang higala

pag-una
ayaw ako paabota

mipahulay ako sa
makadyot
mihanggab sa hangin
og miinom og
tubig

milingi ako sa akong
gigikanan
gitun-an ko pag-ayo
ang akong
pagbalik sa agi
kanang dili
nimo ako mabantayan

pag-una lang higala
kay adunay natagak
kanako
og gusto ko kining
balikan
kay ako kining pangitaon
aron ako
mamahimong tibuok
pagbalik

adunay nadugmok kanako
og gusto nakong
pamuniton pagbalik
ang mga napulpog

ang mga abog sa akong
mga tiil ako
na nga gitaktak

gipangita ko ang tubig
nga makahugas
sa akong mga kamot

pag-una lang higala
ayaw na ako paabota
ang imong padulngan
dili na mailhan
sa akong panumduman