asa kaha?

ang mga kabukiran
aduna kanunay nga gipabati kanato
sa iyang mga buhok nga hangin
sa iyang mga hapuhap
sa kahumot sa iyang kabulakan
ang mga alibangbang
nagbutyag kanunay sa kaanyag
sa kamahinayon sa
paglupad sa iyang mga pako
wala kini silang tanan magdali
sa ilang padulngan
nasayod ang mga dahon nga sila
madugta
ang mga pako sa alibangbang
mangatangtang
ang mga gihay sa kabulakan
mangapalid ra
ang hangin mamalhin
ang mga kabukiran puhonpuhon
mahimong mga patag

kanunay silang mipabati kanato
kita nga naglawig usab nga walay
panahon sa pagpamati
asa ba ang atong panagkita
aron kitang tanan managsuod