mY secreT ponD

matingala ako kon ang saad
imong tumanon
sayod ka nga ako naanad na nianang
imong mga gihukot nga timailhan
diha sa lawod sa
dagat
sa imong mga pisi nga balas
sa imong mga
bula nga ginganlag mo'g
pulong

sakto ka
maayo man god kon ang pulong
magdayon

wala mo bayri ang matag silaba
busa
imo kining giusiusikan  ug ako misabot
kabahin niini

ugma ako na  usab ang maghimo ug mga
yugo nga bonbon

kinsa ba ang magtamod niining matang
sa kabug-aton?

ikaw.