mY secreT ponD

disesais ang iyang anak
unom ang patay pulo ang buhi
lima ka bulan pa lamang
namatay ang iyang bana
unya sa hinay hinay gipang-apod
apod niya ang iyang mga anak
sa lain laing panimalay
dili aron siya malipay apan
aron silang tanan mabuhi.

karon nga siya na lang usa
atubangan sa iyang dapog
sa nagbukal nga nilung-ag sa
gamayng kaldero
gipaaso niya ang sugnod nga
basa aron unta madungog sa
ginoo ang iyang mga pag-ampo.