sa dihang misakay ka sa roller coaster
akong gisulayan og
pagpangutana ang
akong kaugalingon
kon asang parteha
sa atong kinabuhi
nga ako basin nasayop
mituyok mituyok
ang kalibotan sa akong
atubangan og ang
akong kalimutaw
mora og nalilong og apil
pagkahuman mitunga
ka sa akong atubangan
luspad ang wait
og pula kaayo ang
imong aping
og mora ka og misurasay
diha sa daplin sa riling
"nindot!" maoy ingon nimo
gusto nimong ibalik ang
panahon sa imong
pagkabata, akong gihikap
ang imong kamot nga haskang
bugnawa, og akong gihapohap
ang imong buhok
gahi gayod ang imong ulo
mihagtok man god ang akong
mga kuko
giusob ko ang akong pangutana,
basin kaha og ikaw ang
nasayop?
No comments:
Post a Comment