ang pagpaabot
sama sa paglaom
aduna kuno'y moabot
apan wala ka lang
masayod kon kanus-a
basin ugma
basin sunod tuig
basin gani wala
apan tungod kay
misalig ka lagi
mao nga
nag-paabot ka lang
gihapon
apan ang pagpaabot
labaw pa ka pasensyoso
sa paglaom
kay usahay bisan og
namatay na ang paglaom
nagpaabot ka lang gihapon
dili nianang moabot
kay lagi miangkon ka naman
nga wala na gayod kadto
apan nagpaabot ka lang gihapon
nianang pag-abot sa imong kamatayon.
No comments:
Post a Comment