usahay

sakto ka
lood hunahunaon nga ang
mga panghitabo kaniadto
madala lang sa
gitik, pahiyom, og
halok apil na diha
ang haploy

sakto ka nga
moingon nga kanhiay
kadto
atong ignorante ka pa

nahilayo ka na man god
mao seguro nga
aduna ka na'y
kaisog

apan lahi baya kanang
anaa ka lang sa iyang kiliran
sa matag adlaw og gabii
nga iya kang
gihagkan

madala ka lang gihapon
nianang pasalig
labi na anang halok
nga pilit
og gakos nga likos

mawala ka baya sa imong
kaugalingon sa kalami
sa iyang haploy

iloom na lang ang tanan
ipiyong ang mga mata
og sa imong kaugalingon makaingon ka nga

hala, sige.
oo na.