tiglom

ambak
mao kana ang una

tiglom
mao na kana ang ikaduha

ang ikatulo
mao ang kapa-kapa

ang ikaupat
mao ang gikahadlokan
nga pag-unlod

ang ikalima
mao ang pagpaningkamot
sa kinabuhi

ang ikalima
mao ang paglutaw-lutaw

ang ikaunom
mao na unta ang pagkawas og
paglingkod sa tampi og
pagpahulay og paglantaw na
lamang sa mga nangagi
ang paghandom sa katam-is
ang pagpauga diha sa silong sa adlaw

daghan pa ang umaabot
apan ako ania pa lang gihapon sa pagpalutawlutaw

dili katiglom kay hadlok nga maunlod
dili katunga kay di pa gihapon andam sa pagkawas