pula nga sapatos nga milabay sa akong kilid

ikaw ang pula nga sapatos nga milabay sa akong kilid nagpatulogtulog ko sa dihang imo akong gibiyaan kagahapon

dalag nga sapatos ang milabang kanako sa miaging gabii
og nakita ko ang iyang mga kuko nga sinaw og pinutlan

daghang sapatos ang mitikang kanako, gilakaran ako og ako nagpatulog-tulog lamang sa ilang paglabang sa akong dughan

sapatos ang mga nanglabay sa akong kinabuhi, sapatos lang ang akong nailhan kanila, og ako ang ilang gihimong pahiran ang ilang gisipa og giyatakan sa dihang ilang nahibaw-an ang kamatooran

nga bisag unsang bulok sa ilang sapatos og sa bisan unsang hulmahan wala gayod ako'y tinood nga gimahal kanila. Ako lang

ang ilang gihigugma. Ang akong lawas, ang akong dughan.
Ang akong ngabil, anga kong ilong, ang akong dila,ang akong

itlog.