si dodoy

gipatawag ko ikaw
og misanong ka sa usa ka pagdapit sa akong kahaponon

mitumaw ka dan-ag ang kahayag
sa imong agtang
og ang imong pahiyom kanako
nagtanom og mga saad

usa ako ka isla
nga gibiyaan na sa mga langgam
mga bato na lang
ang nagpabilin
og tig-a na kaayo ang akong yuta
og ang akong mga ylang-ylang
wala na mamulak

ang akong mga punoan sa siniguelas
wala na'y mga dahon
wala na nanubo ang mga lusok sa mais
nga akong gisabwag sa karaan nga umahan

gipatawag ko ikaw aron nako ipakita kanimo
ang tulay nga bangaw sa pikas bungtod

mao kana ang atong agianan
sa lain na usab nga isla
ikaw ang ilhon nga tag-iya niana
ilitok mo lang ang akong ngalan
og mangabuhi pagbalik ang tanan

(alang kang Dodoy nga akong pag-umangkon nga nag BS Psychology sa Silliman)