gapnod

sa iyang pagpakabuhi
gisulod niya ang baga kaayong gapnod
gipangita niya ang mga hanap
nga gabon

wala siya nagpahayahay diha sa
tungatunga nga dan-ag
hinonoa gisulong niya ang
dili unta angayan nga adtoan

kay sa kangitngit mibuka
ang iyang mga mata
sa gapnod sulod sa tumang kahanap
didto daghan kaayo siyag nakita

sa kamingaw natugkad niya ang
kalalom sa kalipay
sa kasubo sa iyang kasingkasing
nadungog niya ang
labing maanindot nga awit