adunay iring nga didto nagpuyo sa gawas sa among balay
gutom nga iring
nga nagtubo sa kagwangan
makalolooy nga iring
itom,
niwang,
og lalom ang iyang kalimotaw
nagpakilooy nga unta siya pakan-on
og busa sa akong kalooy
ako kining gipakaon
og gipasulod sa among balay
gipainom
gilawgan
giayo pagtagad
nga sama sa usa ka tawo
labaw pa gani sa akong
manghod
gilawgan ko
ang maong iring
sa akong kamot
og iyang gipang-it ang akong tudlo
akong gigakos
gihatag ko ang akong palad
aron iyang tilapan
apan pati ang akong bukton
iya namang kitkiton
sa dugay nausob
ang maong iring
sa sulod sa among balay
tungod sa akong kaayo
naunsa ba
nga nahimo mang iro ang maong iring
sa iyang pamatasan
*
akong natun-an
mao kini:
dili gayod diay maayo kon kita maayo ra pod kaayo.
No comments:
Post a Comment