lakat sa kinabuhi

hinay ako nga naglakaw ning dalan sa akong kinabuhi naglantaw sa ubos sa akong tiilan lahi kay ikaw naglantaw kanunay sa unahan paspas kang naglakaw una ang dughan gilabyan mo ako og wala ka motingog apan akong nadungog ang imong ipasabot managlahi kita kay ikaw ang pirming mag-una taas ang imong mga pangandoy morag mga pangpang nga dili na maabot sa mga ulod apan sayod ka kay nga sayop ka niana mas daghan og nasulti kanako ang mga bato diha sa ilang kahilom mas daghan akog natun-an sa mga abog sa yuta diha sa ilang pagdapig sa hangin daygon ka sa bagang mga dahon sa kakahoyan og awiton nila ang imong ngalan og ikaw malipay ako ang higala sa kahilom og miduyog ako sa mga ubos wala sila makaila kanako, og ako mawala lamang sama sa hangin sa tinood lang mao kana ang akong gihandom miabot ako nga gaiyak og hubo,
mopahawa ako nga abog og hangin.