ang kasuko sa usa ka babaye nga wala maremedyohe kagabii

kon imo lang untang mabasa ang naa diha sa sulod
sa iyang panty
(nga kagabii pang nagbasa)

anaa diha ang mga kasuko nga dili iya sa pulong
iya kana sa kaulaw
og kahigwaos

nganong kagabii mitalikod ka man kaniya og imo
mang gitakbo ang iyang sampot sa imong sampot

nganong ang ugnan man lang ang imong gigakos
og nganong mipakusog ka man sa imong hagok

wala katulog ang babayeng imong gisalikway
og busa karong adlawa anaa siya diha nagpunay og panaway

sayop ang kolor sa imong necktie
hugaw ang imong sapatos
bahong ilok ang imong polo shirt
og kum-ot ang imong pantalon
og ang imong brief wala na plansaha

nagbagotbot siya nganong gamay lang ang kwarta
ang imong gihatag kaniya
pati gani si arroyo karon giinitan na niya
halangdong putot, miingon siya, nga pwerteng
bakakona

og apil na si obama nga kuno mao ang gisugo sa mga
demonyo aron buntogon ang kristo

wala siya'y gana nga mokaon, og wala siya maligo
gusbat ang iyang buhok og wala na ang kanhiayng pahiyom
nga imong ibalon paingon sa imong opisina

usa lang ang iyang kulang: jerjer.
og ikaw dili man unta bogo, nganong gitago mo ang imong tarogo?

pagbantay lang
kay andam na siyang mokaon og tawo
karong gabii

mokaon siya og karneng hilaw, mokilaw,
mokagot ang ngipon nga mopang-it sa bukog
mohigop siya sa imong utok

pagbantay unya karong gabii, ayaw kalibog,
kon buk-on niya ang imong duha ka kunot nga itlog.