sa akong atubangan
nagtinutukay kami niining
usa ka baso nga walay sulod
naglingkod ako sa lingkoranan
tapad sa lamesang karaan
nabuhong na ba kaha kini sa tubig?
nahubog na ba kaha kini sa binong tinipig?
gibutang ko ang akong kamot sa akong dughan
og gipaak ko ang akong ngabil sama'g pan
lalom ang tutok nianang kahaw-ang
misulod kanako ang kalinaw
tuhop sa panit og unod
wala na ang kainit sa akong kasingkasing
wala na ang pagdilaab sa iyang mga kalayo
kaanindot sa kahilom
pagkabugnaw.
No comments:
Post a Comment