wala diha sa katam-is ang katahom.
makadaot lang kana sa imong ngipon
makalanag sa kasingkasing
kon natilawan na sa imong dila ang kapait
og kini misurop sa imong dughan
ug nakapahilom sa sabaan mong hunahuna
nan, anaa na diha ang katahom
og kon ang kapait milugdang na sa
salog sa imong kasingkasing
panahon na kini sa pagpasalamat
sa gamugna nimong Makagagahom
nahisama ka na sa iyang panon
ug sa hugot ikaw iyang gakson.
No comments:
Post a Comment