mY secreT ponD

pauyon-uyon sa kasakit

ang tunok sa kasingkasing
sa pipila na katuig nagtaop
wa gayod matangtang bisan
ug giunsa pa kinig ibot sa
mga kamot sa kalimot,

sa kahaponon miawit ang
kasingkasing kuhit tusoy sa
mga panganod nga gitayhop
na sa umaabot nga kangitngit

kay lagi dili man gayod matangtang
gipauyon-uyonan na lang
gihaploy sa mga pulong nga
masaaron,

gitrapohan sa panyo
ni veronica,

gitabonan sa mga
unod,

nga karon miduyog na
kon unsa pa ang sa sunod

og ang
mahitabo pa sa mga unya
og mga damlag.