luhang gaagas

kusog ang ulan
kagabii ug
wala kini undang
hangtod
sa kabuntagon

gipamati mo ang
iyang gipanulti
ang iyang hagulgol
nga morag uwang
sa irong nakakita og
dili ingon kanato

nanamin ka sa
sayong kabuntagon
baga ang gabon
ug hanap ang imong
nawong sama sa
usa ka panglantaw
sa usa ka
nagmasulub-on
sa dihang ang mga
luha nagpunay ug
agas diha sa kunot
na nga aping.