ang karaang letrato sa imong
amahan gitagoan mo as ilalom sa
imong hinapnig nga sinina
adunay letrato sud sa imong pitaka
nga kon mosakay kag bus unya
pito pa ka oras ayha ka moabot
imo kining kanunayng lantawon
adunay letrato sa kanhi mong gihigugma
gusto nimo kining gision apan hangtod
karon wala mo kini mabuhat
hanap na, dili na kaayo nimo makita ang
iyang mga mata
nakuspaw na
ang iyang buhok mora na
lang ganig usa ka tunaan
sa kabaw
apan ang imong gibati
nagpabiling tin-aw nga morag
didto ka sa sapa diin
ang mga isda bisag atua sa lalom
imo pa gihapong makita
No comments:
Post a Comment