dali ra baya kini sila
masakpan sa pukot
nga iladlad didto sa
kusog nga sulog sa
baha sa suba
patay na si papa
makahinumdom kos
mga kampay
nga iyang makuha
diha sa kusog nga ulan
didto sa kanipaan
lapwahan lang kini
sa init nga tubig sa
dako nga kawa
ug dayon isukad sa
pamahaw
sa dakong lamisa
tupad sa dakong
dapog sa karaang
kusina
pagtambok
pagkalami nga
isawsaw sa
suka nga bisaya
kon aduna pa untay
stragler nga hapon
nga masalaag sa
among pagpahinapon
maksayagit jud kining
"kampai! kampai!"
No comments:
Post a Comment