sabta nga adunay panahon
nga ang atong gikinahanglan dili lawas
gusto lang nato ang kakuyog
ang kaestorya sa atong mga kalipay ug kasakit
moabot ang panahon nga moingon kita:
nahuman na ako sa lawas, lahi na ang akong
gipangita. Ug sa lamesa pa, dili na ang kinilaw
ug ang sinugba, usa ka basong tubig na lang
nga bugnaw, nga imong itunol kanako,
dayon, moingon ko, "dali, aduna kitay hisgotan"
unya magtupad ta, nagtinan-away, dayon
magsalo sa atong mga pahiyom...
No comments:
Post a Comment