pagtul-id sa hiwi nga sanga sa usa ka karaang kahoy

nagkita mong duha
dagko na ang inyong mga bukton
lig-on na kaayo ang inyong mga
bukog

kon itul-id mo ang hiwi
mapiangan siya
kon birahon mo ang iyang
bukton
aron taralon mo sa imong
gihunahuna
dili mogamay ang iyang
mga bukton

pakyas ka lamang kon ang imong
tumong mao nga
siya imong usbon

daghan nang kahoy ang giputol
tungod sa  kausaban

unya kon imong lantawon sa layo
makaiyak na gayod ang mga higayon

pagsulti mo sa wala

gipangutana ka niya
kon unsay imong ikasulti bahin ato,

wala kay ikasulti matod mo

gisulti mo ang wala ug mao kana
ang akong nasabtan

giunsa mo ba pagpatay ang usa ka balak?

giunsa mo ba pagpatay ang usa ka balak?

gihimo mo siyang usa na lamang
ka sugilanon

giputol mo ang duha ka pako sa
usa ka alibangbang

gibira mo ang tabanog balik sa
usa ka nilokot nga lambo

sa imong duha ka kamot gisikop
mo ang tanga ug imo kining gipidyat

gipatay mo ang hangin ug ang
balak wala nay ginhawa

ning kapalaran

ning kapalaran

ang mga numero sa kalendaryo
nanghadlok kanimo

matag pahina nagbaton kinig
pako nga kusog kaayong molupad

ang mga panahon gilukot sa mga
badlis sa imong kapalaran

kon tulisokon na ang imong tanlag
sa mga nangagi

kalit mong gipakli ang mga katuigan
ug miingon ka, gikalimtan mo na ang tanan

pagsakay nako ug taxi sa jones street

bold ang talk sa driver
sa dihang mihunong mi kadyot sa red traffic light
dunay babayeng seksi nga dakog totoy nga minaog sa jeep
unya nagpanilap ang driver
nga itomon unya dunay peklat ang iyang aping mga murag
natakbasan

ambot ug unsa pod kaha ang tinagoang estorya
sa iyang kinabuhi

mitapot ang iyang mata sa dughan sa babayeng pution
unya midugang ug bungat:

kalaming kumuton kong mapalit pa unta

wa pabangbang, daghan dapit sa mango avenue ana
sahay, maot, dugay kong magawsan, dili na nako i lips to lips
totoy na lay banatan ug kumot

nganong gihimo man god sa Ginoo kining totoy
sa mga babaye? maoy iyang pangutana

namati ra ko, gipauyunan nako ang driver nga
morag bilar pa sa iyang pamasayro kagabii

gilantaw nako ang iyang nawong
walay hilam-os
daghang buho ang aping
baga ug wait
insikon ang mata

sa pagkanaog nako sa taxi
wa nako pakapini ang plite
mora kog nalooy, mora sab kog naulaw

BALAK ALANG SA PANAGTAGBO SA DUHA KA DILA

kon sutaon jud
sa usa ka dugay nga tutok
actually
maot ka,

pangit. Ang imong duha ka kilay
nagtagbo nga morag gaaway,

baga ang imong pikas ngabil
unya ang imong buhok nga dunay
mga split ends
liwat sa imong batasan
dili dali masuta
mohapit pa ko sa daghang kalibog
ayha ko moabot
sa imong gustong ipasabot
ug buhaton

daghan pa kog ikasulti
kabahin sa imong kamaot
apan dili ko na kini taason

kabalo kong baga kag nawong
dili tigtagad ug estorya
dili mag-ambat aning ginagmayng
kisaw
nga ug ikaw pa
petse petse lang kini sa
gamayng kinabuhi

lami pamation nga dili man gani
nimo ni basahon
unya masina ko nimo kay ikaw
dili gayod dali masakitan

isog ka, banggiitan sa hugna
sa kasakit

misamot kag kamaot kanako
bahin niini
kanang dili ka sensitive
sa gibati sa uban

apan kagabii
sa dihang gipalong na ang suga
unya
nagdula ang atong duha ka dila

ang ako sud sa imo
unya ang imo sud sab sa akong
alingagngag

wa baya tang duha katingog
sa hilabihang
kauhaw nato sa atong mga laway

ugs sa dihang gipiyong ko ang
akong mga mata
adunay miabri nga mga gapnod

misulod tang duha sa ganghaan sa langit
ug nakapang "o my god tang duha"
human hapit ta malumos sa atong
duha ka ginhawang
gitagotagoan sud sa atong
mga dughan

unya ako
bahalag dili ka motoo
sus ginoo!

nakita gyod nako ang iyang
nawong

SA DIHANG NABALITAAN NGA DUNA NA SAY GIPATAY SA DIPOLOG

" Way kalooy!" maoy hukom
sa misimpatiyang mestisa,
berdugo,
"kon sila kahay buhatan sa ingon,
lalim kaha?"

adik adik daw,
tinood ka?

"mas maayo pod nga gipatay,
aron malimpyo ang
katilingban", miantog ang itomong
babaye
contra sa mestisa,

" dapat motagam
kining mga pusher,
aron dili mosanay!" sumpay niya.

time sa, kinsa ba ang gipatay?
ug ngano?

"unsay probable cause ana
judge Chad?" dunay nangutana.

mga tigmo sa pinatyanay
sa gamayng syudad
mahusay pa kaha?

daw

aduna na pod daw gipatay
atubangan jud sa capitol
broad daylight
giulo daw
hay-ad jud sa karsada
unya ang asawa naglantaw
apil ang anak
wa jud katingog

this city is no longer safe to live
maoy ingon sa nagbalita

karon ipatukar ko na
ang akong gipili nga musika

hapon na baya
unya ang adlaw mamatay na usab

ning kamatayon nga
walay nobena ug walay pagkawkarenta

ning kamatayon nga
matag-adlaw nga walay magtugaw

ni mag-iyak ni magbakho
ning kamatayon nga ikaw lang ang nasayod

kay kon imong ipanugid
yam-iran ka lamang

ug ingnon nga "paghilom diha?
naunsa ka ba? kinsa ba ang namatay?"

ug busa mahilom ka
ug sa imong kahiubos mamati ka

sa gipili mong musika
sa imong matag-adlaw nga kamatayon

sa ilang pagkawaykabana
sa ilang pagkabuta, pagkaamang, pagkapiang

sa imong nakita nga
ambot lang kaha ug ila ba kining nabati?

Ang Love ni M.

tama na daw sa iyaha
ang paholdingholding hands
pa stroll stroll lang sila
pa dining dining
walang kiss kahit sa cheek
tama na ang padaplis daplis
sa shoulder
ayaw na daw nyang
masaktan ng
malalim
tama na daw na masaya siyang
gumastos ng gumastos
hanggang maubusan ng pera
at siya'y
lamona
iiwanan na rin
kagaya ng
iba.

"ayaw mi ihagbong"

maoy syagit diha nawong sa lamisa
nga gihiwa ug kutsilyo
sa usa ka estudyanting
wala intawon katoon

pauyon-uyon sa kasakit

ang tunok sa kasingkasing
sa pipila na katuig nagtaop
wa gayod matangtang bisan
ug giunsa pa kinig ibot sa
mga kamot sa kalimot,

sa kahaponon miawit ang
kasingkasing kuhit tusoy sa
mga panganod nga gitayhop
na sa umaabot nga kangitngit

kay lagi dili man gayod matangtang
gipauyon-uyonan na lang
gihaploy sa mga pulong nga
masaaron,

gitrapohan sa panyo
ni veronica,

gitabonan sa mga
unod,

nga karon miduyog na
kon unsa pa ang sa sunod

og ang
mahitabo pa sa mga unya
og mga damlag.

mibuga na ko ug kalayo
milatay na kos alambre
nakapahimugso pa jud kog mga
white rabbits gikan sa bilahan
sa akong kawo nga itom

pagkahilit gayod gihapon anang
imong pahiyom

unya motambling na pod
kog kapito
abi mo, malilong pod baya
unta ko
pero kini laging gusto pod
unta kong malipay ka,
apan moabot ra baya pod
ang panahon sa pag-awas
sa sukod sa panigahan,

kon dili ka gayod madutlan
sa akong magic, drama og uban
pa,
pwes,wa na koy mahimo

pag-ayo ayo na lang sa imong kasubo,
kon kapoyan ka na gayod,
pili lang. Naa ang sundang, ang pisi,
ang pangpang, ang kalilbre .45,
ang sleeping pills, ang blade,

apan palihog lang, ayaw lang sa
balay, o sa nataran, o sa atong
lugar

respeto lang pod gamay
kay kanang binuhatan nga daotan
dili baya namo type

tiglingaw ra mi, tigbalak,
tigdrama, tigpasikat, tigtorjak,
tigkitik, ug uban pa

dili mi tig-iyak ug tig-lubong.

namiktyur ang
sapa
sa panganod nga
sa langit
naglutaw
sayong buntag

kon ako ang
natikig
sa tumang kabugnaw
sama sa
ice,

handomon ko
sa matag unya ang kainit
mo
aron ako
matunaw
ug mahimong
gawasnon

sama sa tubig
ug hangin

sa likod sa goldfish
anaa ang usa ka gamayng garapa sa lana
tupad ang merlion
nga metal nga wa na kabugwak
og tubig
ang dragon nga bulawan
nagnganga
nga gustong mokaon nianang
katulugon

dili mo kini masabtan hangtod
nga ikaw mosulod sa akong lawak

kining akong kasingkasing
maghimo og tigmo nga ako lamang
ug ako lamang
gayod ang makatubag
alang sa Sphinx

ako ang
timonil
ning barkong
balaknon

misamot
baya kahayag ang
bulan

dili pa kaayo
bugnaw ang hangin

sa hinay hinay
naghubo kitang tanan

sa atong mga sapatos
sapot

wala nato maantos
ang kaanindot sa awit

sa dagat ug kitang
tanan, midagan, misalom

nakita mo ba ang
parola nga nagsiga
sa unahan?

ayaw kabalaka
dili kita malumos
dili kita mawala.

INGON NI KRISTO

ania ang akong lawas
kan-an kini
ania ang akong dugo
imna kini

gusto mo ba nga mao
usab kini ang mahitabo
tali kanato?

gamayng hiwa nga unod
sa akong dapidapi
misiplit nga dugo gikan
sa akong tudlo

kilawon mo ba ako?
supsupon mo ba ang dugo
gikan sa akong tudlo?

dili ako si Kristo
unya dili ka usab
makasasala.

pag-angkon

dili ko na mahatag
ang panaw
ang sakayan alang
kanimo
gihatag ko na
sa uban

sakto ka
ang mga bitoon
bisan unsaon
dili gayod angay
kab-oton

FOOTNOTES

sabta nga adunay panahon
nga ang atong gikinahanglan dili lawas

gusto lang nato ang kakuyog
ang kaestorya sa atong mga kalipay ug kasakit

moabot ang panahon nga moingon kita:
nahuman na ako sa lawas, lahi na ang akong

gipangita. Ug sa lamesa pa, dili na ang kinilaw
ug ang sinugba, usa ka basong tubig na lang

nga bugnaw, nga imong itunol kanako,
dayon, moingon ko, "dali, aduna kitay hisgotan"

unya magtupad ta, nagtinan-away, dayon
magsalo sa atong mga pahiyom...

KAMINYOON

sa dihang bag-o pa
ang wall clock
miingon ka, " branded ,
ganahan kos atong wall clock
insakto ang oras "

sa dihang naguba na ang wall clock
miingon ka. " kanang imong wall clock
guba,
ipaayo na!"

mao ron
kon guba akoa,
kon maayo
atoa

BALAK ALANG SA IMONG LOLO

kadtong gikasab-an ka
nganong nahug diha kilid sa plato ang
usa ka mumho sa kan-on
unya nakaiyak ka sa kaulaw
kay kuyog niadto mao man ang
pagpanumboy kay lagi
ikaw kusog kunong mokaon
damak, unya tapolan

kadto mao gayod ang imong kanunay
nga mahinumduman
gibalik-balik kini sa imong hunahuna
nga morag martilyo sa pipila ka
katuigan

apan sa laing bahin
bisan ug ikaw nasakitan
magpasalamat ka gihapon kay
diha sa kasaba ug kahiubos
sagol sa kasilag ug kapungot
gibinlan ka niya ug
maayong kapalaran

ALANG KANG KEVIN

dili na importante kon
kinsa ka
unsa ka
ug dis-a ka gikan

ang importante
buhi pa ka ug karon
magtabi ta.

ANG ASO SA BALAY

bisag sirad-an mo
pag-ayo ang mga bintana
ug duha ka
pultahan sa imong
balay

ang aso sa imong
kusina
mogawas lang gayod
gihapon

MGA OBSERBASYON KABAHIN SA BALAY SA MORALIDAD

i

sa dakong balay sa
Moralidad
ang gwardya usahay
Iro.

ii

diha sa kilid sa
pultahan sa dakong
balay nga bato
nga ginganlag Moralidad
anaa ang
gabantay,
itom nga iro

iii

ang itom nga iro nga ipok
nga naglingkod tupad sa dakong balay
sa Kunuhay Kalimpyo ug
Kaligdong

nagbantay.

iv

ang balay sa Moralidad abri ang pultahan
ang iyang bintana dako
ang iyang pultahan mas labaw nga dako
unya ang iyang bongbong
bato
unya ang gabantay mao kining iro nga itomon

pataka lang ug paghot

v

didto sa balay nga bato nga gimarkahan ug
Moralidad
misulod ang tulo ka tawo

ang usa napaakan sa iro nga itom
ang usa iyang amigo ug ang iyang ikog mikiwil
ang usa mituntong sa ibabaw sa lamesa
haskang hadloka

ang iro nga itom nagtangag sa dakong bukog sa baka
nga gihatag sa tawong pution

puyok.

KABAHIN KANATO UG SA AKONG NAKITA

kon imo akong
sutaon
wala ako miambak
sa usa ka
paghukom

milantaw lang ko

ug kay imong gitawag
nakigsalo diha sa
pagkaon tupad kanimo
kuyog sa atong mga amigo

wala ako miambak
sa usa ka paghukom

hadlok ako nga unya
imong ingnon: kinsa ka ba?
Ginoo ka ba?

busa mlantaw lang ko
wala gani ako naglingo-lingo
kabahin sa akong nakita

ang akong kauban, kahilom

ang akong kuyog pagawas sa
imong balay
human sa salo-salo,
kahilom lang gihapon

nindot ang kahilom
morag Ginoo....

kayaha bay

dili nimo kaya
ang ulan
hangtod nga kini
imong
dulaan

ug ikaw
morag piso
nga nabasa

kahinumdom ko ni
Ligaya kadtong babayeng
nagpahipi sa
bintana

unya akong nakita kining
imong larawan

ug natingala ko nganong
moingon ka
nga imong gikaulaw ang
imong kaugalingon

usa ka sa pila ka libong
nawong ni Bathala
ang tanan niyang mugna
puros gipuno niya sa
kaanyag

paningkamot nga imo
kining makita

usahay mas matugkad
mo kini
sa pagpiyong sa imong
mga mata
unya imo kining ibuka
diha sa tumang
kangitngit

ang kalo nako nga
anaa sa sungay sa usa
gibitay

ang tsinelas nako nga
nabilin sa balilihan
nabasa sa ulan

ang akong antipara
sa tunga sa akong dughan
siging kalimtan

kining mama, kining tuba
kining linukot nga dahon sa
lomboy
kining pangasi,
kining kuhit sa kawayan
puko nga buli
ako na usab kini

sugdan ko na ug bitbit
ang gihandom sa atong
mga kanhiay

MGA PANGUTANA SA NAKAMENOS

Unya Ondoy
naa bay newspaper sa inyong bukiran?

unsa ba kadak-a ang inyong highway?
di kaha mapiit ang kabaw?

kamao ka rang mohawid sa kutsara ug tinidor?
ayaw kini hawiri nga morag bunglay ha?

naa mo'y airport?
naay gaisano sa inyo?

di sab kang kamao mogamit og cellphone?
kamao ka bang mobasa ug iningles?

hangtod karon
wa gyod na malimti

gipangita niya
ang gasulti niining tanan

patay na kuno.

gipangitaan ko niyag
balak nga morag barbekyung manok
nga makabusog

ingon ko wa ko ana

nangutana siya kon naa ba koy balak
nga morag lumay aron madani ang babayeng
way gana niya

ingon ko wa ko ana

kadtong balak nga bahal nga iyang imnon
aron mahubog siya ug magpataka na lang dayon ug
iyak ug katawa, ug sayaw bisag walay

unsa ba diay kining balak nga naa nako?

ah, dili ni ako. Hinatag lang. Gihunghong lang.
Ulipon lang ko.
Tigsulti lang.
Tighatod.
Mahimo gani nga wa koy labot aning tanan.
Apan kay ako ang mibungat
Pwes ako lang pod nga tindugan.

Ang ania kanako mao kadtong nakailad
sa tawong gustong magpakamatay
moambak na unta sa kinahabogan nga
ang-ang sa balay

apan duna koy gisulti nga nalinga siya
minaog, milingkod, dayon namati siya

ug dayong miingon siya, naunsa man diay
to? nganong mikatkat man ko?

mora bag gimino, unya aron makabalik sa
iyang kaugalingon
iyang gibali ang iyang sinina
ug dayog lakaw balik sa
ila.

abi mo
kapoy baya pod nang
kita kita ra ang
ga kita kita

balikan napod nato
ang mga samad
kaniadtong mga pipila na
katuig nga gialim
na man unta

kadtong
sa una sa atong
kadanghag

kadtong miingon
ang atong gipuy-an
nga kita
walay mga bout

unya karon
manihapon ta
kita ra pod
nga mga samdan
ug gibun-og
sa kapalaran
ang magsalo

bisag lami ang
lasagna (paborito mo)
ang lechon kawali (natong tanan)
ang kinilaw og tinolang isda
ug ang
dagkong alimango nga
gitunoan

di sab gihapon ko
mabusog

bisag giuhaw kaayo
kos san miguel beer
ug motungab kog
lima ka botelya
(ra)

apan di gihapon ko
matagbaw

kay ania kitang tanan
nag-iyahay ug bulikat sa atong
mga samad kaniadto
ug hikap sa atong mga bunol

gitultol na usab ang kahapdos
dayon natog
dungan ug danguyngoy
nga morag namatyan
tag baki
o kaha ba morag mga
manok nga gipangdungoy
o mga unggoy nga
nabitik sa mga lit-ag
o mga iring nga nalaphawan
anang gabukal nga
tubig

kapoy na,
kapoy na jud kaayo
mas maayo pag mag-inosara
basa basa, sulat sulat,
hay-ad hay-ad sa papag
duyan duyan sab
diha sa lapyahan
ug
manamin
ug mopahiyom lang pod
panalagsa

sakto na kana alang kanako
mabaw na lang pod baya
ang kalipay sa
tiguwang nga nakakaon
ug daghang tagam.

ang kahadlok
mao ang nawong likod sa gugma

ang kahadlok usab kuno ang sinugdanan
sa kaalam

kon mahadlok ka unsa ba ang imong buhaton?
mibukot kas habol?
mikaratil kag dagan?

o wa kang kalihok
wa ka katingog
misiga ang imong mga mata

o kadtong nakuyapan ka
unya gipukaw ka
dayon nangutana ka ug
ngano? naunsa diay ko?

kadtong midagan ka, o mibukot kas habol
o nasiga ang imong mga mata
o nakuyapan ka,

milalom ba ang imong kaalam?

nakat-onan mo ba ang paghigugma
sa imong gikahadlokan?

sa laing bahin,
unsa ba god kining atong gikahadlokan?

nahadlok ka ba sa Diyos?
nahadlok ka ba sa imong dangaan ugma?

hadlok ka bang mamatay
unya maimpyerno?

o nahadlok
sa wa pa nimo masayri?

nangutana lang ko
gitubag ko na kini sa akong kaugalingon

ikaw sab,
tubaga.

ang adlaw nanghambog
nga sa iyang kainit
imong gihubo ang imong
sapot

dili ko adlaw.

apan manghambog ko
kon imong gisapotan ang mga gahubo

o bisag ikaw na lang
palihog tabuni ang dili nato angayang
makita
sulod sa simbahan

itago ang dili balaan
ang imong giingon nga imong ikaulaw

ipakita ta ang
dan-ag, kanang kon mosulod ta sa usa
ka balay
mopahiyom kanato ang
nagdapit

salohan nato ang makapaduol
kanato
sa atong mga kasingkasing

miabot ang daghang mga kaguol
karong tuiga
gatapun-og ang kagul-anan

sama sa pungpong
sa lanzones nga wala tagda ang kahinog

naghinayhinay og pangahulog hangtod
walay nahabilin

gani ang mga dahon
kalit pod ang pagkalaya hangtod

ang mga sanga sama sa mga tudlo
sa patay diha sa kilid sa pangpang

hindi politikal ang lahat Enrico

(poem written in 1980 at the last page
of a law book)

umiinog ka sa isang kwadradong lohiko
ang kaliwa't kanan ay
pinapareho

ano man ang haba ng isa ay siya ring haba
ng kabila

hindi sa lahat ng araw sisigaw ang bibig
ang ibagsak at lumpagin
ang lahat ng anyo
ang haligi't bubong
ng bayan ng tao

meron ding panahon
sa pagtikom ng bibig
sa pag-aamo ng isang daluyong
sa pagbubukas palad ng dalawang kamao
tungo sa isang palakpak
sa isang kagandahan

ang isang hardin na puno ng mga
halamang malapit na matuyo
ay dadalawin din ng isang ulan
at magiging sariwa ang lahat

aawit ring muli ang mga ibong
nasa loob ng ating mga puso

hindi plakard ang lahat
hanggang kamatayan Enrico.

collateral damage

ang naalaan mong iro nga milabang sa dalan
anak kadto ni Mosoy

kadtong tambok nga babaye nga nalubong sa
lapokan, kalooy sab nga naalaan mong kabaw

kadtong gilabayan nimo sa tulo ka granada
ingon ka nga naalaan mong buang nga rebelde

mga manimbahay intawon kadto nga mga saksi
ni Jehovah ug kadtong inyong gilibotan ug girakrakan,
mosque kadto intawon sa atong mga igsoong moslem

unyang gabii human sa imong giingon nga kahago aron
mawala ang kakapoy sa imong lawas,
mag-inom mo sa imong mga sangga,
dayong mahubog ka, dayon magyawyaw

unya sa dihang mituyok na ang kalibotan
nga morag kote nga gibuhian sa iyang hapos,
mohagok ka

ug mamatay,
maayo unta ug
tagboon ka didto
sa imong naalaan.

nakalimtan
na nako ang
tanan

unta

apan sa dihang
akong gikulitog ang
akong dunggan
ug tukog nga dunay
nilikit nga gapas
sa tumoy nga
gibasa nako
sa lana

gibati nako ang
kagilok

gisigi nakog
kulitog

unta nakalimtan
ko na ang tanan

unta na
lang.

HUNAHUNA

miabot siya
mikihat nimo

naay mitawag nimo
miduol
nalingaw mong duha
ug nalingat ka

gibalikan mo siya
apan wala na

gusto unta nimong
hinumduman

apan hanap na
gabon ang naa.

bugnaw na ang kape
sa kamot sa imong lingkoranan

gilamigas ang camote cue
sa ibabaw sa plato

unya ikaw nakatulog
ug diha sa imong dughan ang
gabilangkad nga libro

ang mga gabon
sa bungtod mitabon

busa wala nato
makita ang mga panon
sa kanaway

nagpaabot ta
unya pagkawala sa mga gabon

wala na usab ang mga
kanaway

gihandom nato ang dagat
apan wala didto ang gabon

sa patag nga wala ang gabon
gihandom ta ang bukid

sa bukid gihandom ta
ang dagat ang isda

unya miabot ang mga tulabong
gihandom nato ang mga kabaw.

NING KABUNTAGON

giukban ko na ang
bintana

alas syete na sa buntag
naulaw pa ang adlaw

pagkalabong sa mga
lantipay
nga nagbitay sa sanga
sa dakong kahoy
nga mangga

nagbasa ang kalibotan
lapok ang dalan
nagpunay pa ug
ulan ang
atong kalangitan

kining atong kasingkasing
pagkagamhanan
kay sa kainit dili gayod
mahutdan

KON

kon madungog mo lamang
ang awit sa hangin
ang hunghong sa kabukiran
ang pangagho sa kawayanan
ang panamilit sa matag balod
sa lapyahan sa dagat
ang panghayhay sa mga panganod
ang sitsit sa mga sapa
ang dangoyngoy sa tikarol
ang kasubo sa mga kwaknit
ang nahilis nga tingog sa mga
dahon nga nangahulog sa
mga sanga sa ipil-ipil

makaingon ka gayod nga
pagkalami usab diay nga unta
ikaw moduyog sa tanan sa
tanang kisaw sa kinaiyahan

kadtong nalipay ug nagbangotan
kadtong nagtikaw ug nagpakahilom
kadtong mibuswak og mitikyop........

asa na ba ang mga larawan?

adunay kulang
dinhing dapita

ang babaye nga
miawit
milantaw lamang
sud sa usa ka
lawak

didto ang iyang
bana ug ang
iyang bugtong nga
anak

wala siya nanambo
sa bintana
aron masinati ang
kabugnaw sa hangin
ang pagkalunhaw
sa mga kakahoyan
ang kagaan nga
pamati sa mga
panganod
ang lamdag sa
bulan matag gabii
sa wala pa siya
matulog
ang hanoy nga paglupad
sa kalanggaman
hangtod nga nangawala
kini sa kawanangan

busa,
bisag unsa kalami sa
iyang tingog
ug sa kaanindot sa
iyang giawit

dako gihapon
ang gihambin nga
kahaw-ang

kay nahisama kini
sa usa ka patayng
lawas nga
gilalinan na sa
iyang kalag.

Reina

sa mga mata sa batang gamay
makita nato ang mga nanglabay

daghan kaayo tag mapudyot
puros kalipay, puros kaanindot

unya dili kini siya sabaan

sa kabugnaw
sa panahon
sakto na kanako
ang kainit
sa balahibo sa ulo
sa akong iro
nga nagpalagaylay
sa akong
tiilan

BALAK ALANG SA MGA NANGAWALA (mugna sa usa ka hunahuna nga gusto sab nga mawala)

nawala ang akong
pag-umangkon
diha sa iyang buhok nga
morag sagbot nga
nanindog

ang iyang baho
morag bulingon nga
sa tulo ka adlaw
anaa ra gitago sa
bakat sa kilid sa
hiposanan ug mga
ginamit nga
sapatos
sa panahon sa
ting-ulan

nakapangutana ko
usahay
kinsa ba ang nakapawala
kaniya?

ah, ang iya ra usab nga
amahan
nga kaniadto giwala usab
sa akong
amahan didto sa iyang
buhok nga
nanuybo nga morag
mga sagbot

NING TING-ULAN

mituwad ang buwad nga
asoos
sa gamayn'g platito

aslom pod kaayo ang suka
nga giahosan ug
gisilian

nag-aso-aso ang champorado
kay lagi init kini kaayo

ug didto sa imong baba
gihungit
ang galamog nga kainit,
kahalang, kaaslom,
katam-is, kaasgad

mao kana ang kalipay.

nagsinaw ang mga dahon
migilak ang mga bato
mao pa gayoy pag-undang sa ulan

unya nagteks ka
moabot ka na unya.

kining usahay

kining usahay
lami gamiton

usahay
makadamgo ka
o di ba?

usahay,
naa ang pagbasol,
dyotayng kahilom

usahay,
malipayon tang duha
usahay lang

usahay daghan
kog kwarta
ganahan ka nako
usahay lang pod

usahay bisag wa
koy sapi
sige ka nakong
kuyog

dayon usahay
makaingon ko
basig ako lang gyod
diay ang imong gusto
dili ang naa nako
usahay

usahay
ganahan kong ako ra

usa ra ko
kaon og usa ka plato
nga luto
ug usa ka platitong
inun-anan nga
til-ogon

usahay mas nindot
akong pamati
lingkod sa silong sa kahoy
lantaw sa mga bitoon
tungang gabii

samtang ang tanang mga
usahay
nakatulog ug
giwalawala sa ilang
mga damgo

KABAHIN SA KAMPAY

dali ra baya kini sila
masakpan sa pukot
nga iladlad didto sa
kusog nga sulog sa
baha sa suba

patay na si papa
makahinumdom kos
mga kampay
nga iyang makuha
diha sa kusog nga ulan
didto sa kanipaan

lapwahan lang kini
sa init nga tubig sa
dako nga kawa
ug dayon isukad sa
pamahaw
sa dakong lamisa
tupad sa dakong
dapog sa karaang
kusina

pagtambok
pagkalami nga
isawsaw sa
suka nga bisaya

kon aduna pa untay
stragler nga hapon
nga masalaag sa
among pagpahinapon
maksayagit jud kining

"kampai! kampai!"

ANG KASUBO SA AMONG IRO NGA DILI NIYA IKAPANUGILON KAY LAGI SIYA IRO MAN LAMANG

lima ka itoy
nga iyang gipangga
gipatotoy
gitilapan
gidulgan

gipang-apod
apod na
sa lain laing mga
tag-iya

matag gabii
nagbakho
nagbilar
nangita kon
asa na ang
iyang lima ka itoy

kon maka-emote
wagas

labaw pang
sisa

ANG GIINGON NI MONICA

i

sayo daw nangmata ang mga
abat
aron lang mobalak

ii

di sab siya papiri
disir mobalak, shower shower sa pod

iii

ana gyod,
make love to poetry: fresh and clean.

ANG TANGHAGA SA MGA KATOL

katol akong likod,
please, kalota

katol sang imoha,
akong kaloton

magkinalotay tang
duha

(misamot ang kakatol
siging gikalot
hangtod nasamad)

dugo? midugo?

na hala, pamalak pa.

NOSTROVIA

naghawok
ang duha ka ngabil
sa baso

kadyot lang

dayon natog dungan
ug inom

lami
mora sab kita lang
gihapon

naghangop sa usa
ka halok
nga dili na para
kanato.

KADTONG MIINGON NGA GANAHANG MOSULAT APAN WA MISULAT

si Hamlet
siging yawyaw
siging
paso-paso

esep esep
tugkad tugkad

walay tinugkaran
walay binuhatan

kutob ras
to be or not to be

mao nay
pangutana hangtod karon

ICE BREAKER

kaniadto
sigi tang binuangan:

kuot lubot
simhot

karon, sulayan nilag
binuang

kamao na ta
anang mga butanga

dude! kuot lubot
kuot, kuot pa jud,
abot sa botbot.

MANAGLAHI NGA KALIBOTAN

i am preparing an exam.
multitasking. Poetry on the other
hand.

on the other side of my window
is a garden. It is raining.
There is a rat. Seeking shelter
on the big leaf of the lantipay.

at the top of the ylang-ylang tree
a tamsi is resting.It is singing.
It is alone.

sa unahan anaa ang banyo,
diin dunay bomba gawsanan
sa tubig gikan sa ilalom sa yuta,
atua ang akong duha ka alalay
nanglaba unya kusog kaayong
gipatukar ang radyo.
Unya ang music, sa FM
"Rock baby Rock!"

Me? i am listening to Lea Salonga
singing , " A whole new world"

nagpasophistication, aron ingnon
sa akong kaugalingon, nga dili ko
badoy.

SIP-ONON NGA KAWANANGAN

sa paghan-ay sa mga pulong
wa nimo damha nga mikibot ang lubot sa Milky Way
unya dunay bag-ong mga planeta nga wa sugod makita
nga mora bag ang saya sa kawanangan nawalis
dayon dunay mas labaw pa ka mga bililhong butang ang
migawas sama sa duha ka mata sa hubag nga
gusto na nga mobuto apan tungod kay dili pa lagi andam
ang mga managatay sa dagat sa pagtoo
miuk-ok kini balik sa pondeo ug ang zipper sa kalangitan nanirado na usab ug otro.

THE GOLDEN MEAN

kon imong
pangitaon dili gayod
nimo kini makit-an

kon imong handomon
dili usab kini
moabot

kon imong panggaon
pag-ayo
mamaot naman hinoon

kon imong luagan paghawid
mawala kini

kon imong hugtan pag-ayo
magupok

hinay-hinay lang
ayaw pagpalabi

agi diha sa tunga
kay dili ka mapiit niana

GIKAPOY

gikapoy iyang mama
ug pananom sa mga african daisies
sa miaging bulan

kay wala lagi siya kuyoga sa
paglubong sa ilang silingan nga
namatay
haskang sukoa sa malditong
bata

gikapoy ang bata ug pangibot
sa african daisies
nga iyang gilabay ngadto
sa karsadang batoon

gikapoy ug bunal sa sanga
sa bayabas ang iyang mama
sa bitiis sa maong bata

gikapoy ang iyang papaog
ug lantaw og pamati sa kahilom sa maong
bata nga bisan giunsa og latos
igo lang kining mitutok lapos sa
bintana paingon sa kawanangan

wala'y luha, wala'y shagit
apan sa sulod sa iyang dughan
atoa ang pagdumot nga mas
dako pa sa kalibotan....

KADTONG TIBUOK NGA KAHAYAG

adtong
gabhiona nakita mo
ang tibuok nga
bulan

nga haskang
hayaga
ug kita ang tibouk
lungsod
gihabolan sa iyang
siga

mahibaw-an mo
ra kon ngano

pagkaugma
anaa na ang kangitngit
sa imong kagabhion

wala na ang bulan
wala na sab siya

anaa ang katarungan
nganong
siya mibungat sa
tumang
pagsiga.

PAGSABOT SA KINABUHI

kon makita mo
pag-usab ang anad nga
pispis sa
tamsi nga mao pa intawoy
pagkat-on kon unsaon
paglupad
ayaw kini dakpa
kon mahimo ayaw gani
kini hawiri
aron walay lugas sa
kahadlok
ang mahulog sa iyang
dughan
ug makadaot kini
sa iyang
damgo sa kusog nga
paglupad unya

kon sa imong paglakaw
sa daplin sa kakahoyan
makita mo ang buwak sa
antulanga nga
mao pay pagbuswak
palihog ayaw kinig
kutloa
pasagdi kini nga mangabri
sa tanan niyang
kaanyag

mubo lamang ang ilang
lugway sa
pagpakabuhi

ayaw na mob-a pa
ang mobo nang daan.

MGA MENSAHE

ang dukot
adunay usa lang
ka mensahe

labi na ang kahilom
kusog
ang gisulti niini
diha kanimo

ang suga sa gawas
nga wa mapalong
sayop ang
gipadayag niini
sa kaudtohon.

ang karaang letrato sa imong
amahan gitagoan mo as ilalom sa
imong hinapnig nga sinina

adunay letrato sud sa imong pitaka
nga kon mosakay kag bus unya
pito pa ka oras ayha ka moabot
imo kining kanunayng lantawon

adunay letrato sa kanhi mong gihigugma
gusto nimo kining gision apan hangtod
karon wala mo kini mabuhat

hanap na, dili na kaayo nimo makita ang
iyang mga mata
nakuspaw na
ang iyang buhok mora na
lang ganig usa ka tunaan
sa kabaw

apan ang imong gibati
nagpabiling tin-aw nga morag
didto ka sa sapa diin
ang mga isda bisag atua sa lalom
imo pa gihapong makita

kahinumdom ko ni
Ligaya kadtong babayeng
nagpahipi sa
bintana

unya akong nakita kining
imong larawan

ug natingala ko nganong
moingon ka
nga imong gikaulaw ang
imong kaugalingon

usa ka sa pila ka libong
nawong ni Bathala
ang tanan niyang mugna
puros gipuno niya sa
kaanyag

paningkamot nga imo
kining makita

usahay mas matugkad
mo kini
sa pagpiyong sa imong
mga mata
unya imo kining ibuka
diha sa tumang
kangitngit

ang kalo nako nga
anaa sa sungay sa usa
gibitay

ang tsinelas nako nga
nabilin sa balilihan
nabasa sa ulan

ang akong antipara
sa tunga sa akong dughan
siging kalimtan

kining mama, kining tuba
kining linukot nga dahon sa
lomboy
kining pangasi,
kining kuhit sa kawayan
puko nga buli
ako na usab kini

sugdan ko na ug bitbit
ang gihandom sa atong
mga kanhiay

MGA PANGUTANA SA NAKAMENOS

Unya Ondoy
naa bay newspaper sa inyong bukiran?

unsa ba kadak-a ang inyong highway?
di kaha mapiit ang kabaw?

kamao ka rang mohawid sa kutsara ug tinidor?
ayaw kini hawiri nga morag bunglay ha?

naa mo'y airport?
naay gaisano sa inyo?

di sab kang kamao mogamit og cellphone?
kamao ka bang mobasa ug iningles?

hangtod karon
wa gyod na malimti

gipangita niya
ang gasulti niining tanan

patay na kuno.

gipangitaan ko niyag
balak nga morag barbekyung manok
nga makabusog

ingon ko wa ko ana

nangutana siya kon naa ba koy balak
nga morag lumay aron madani ang babayeng
way gana niya

ingon ko wa ko ana

kadtong balak nga bahal nga iyang imnon
aron mahubog siya ug magpataka na lang dayon ug
iyak ug katawa, ug sayaw bisag walay

unsa ba diay kining balak nga naa nako?

ah, dili ni ako. Hinatag lang. Gihunghong lang.
Ulipon lang ko.
Tigsulti lang.
Tighatod.
Mahimo gani nga wa koy labot aning tanan.
Apan kay ako ang mibungat
Pwes ako lang pod nga tindugan.

Ang ania kanako mao kadtong nakailad
sa tawong gustong magpakamatay
moambak na unta sa kinahabogan nga
ang-ang sa balay

apan duna koy gisulti nga nalinga siya
minaog, milingkod, dayon namati siya

ug dayong miingon siya, naunsa man diay
to? nganong mikatkat man ko?

mora bag gimino, unya aron makabalik sa
iyang kaugalingon
iyang gibali ang iyang sinina
ug dayog lakaw balik sa
ila.

abi mo
kapoy baya pod nang
kita kita ra ang
ga kita kita

balikan napod nato
ang mga samad
kaniadtong mga pipila na
katuig nga gialim
na man unta

kadtong
sa una sa atong
kadanghag

kadtong miingon
ang atong gipuy-an
nga kita
walay mga bout

unya karon
manihapon ta
kita ra pod
nga mga samdan
ug gibun-og
sa kapalaran
ang magsalo

bisag lami ang
lasagna (paborito mo)
ang lechon kawali (natong tanan)
ang kinilaw og tinolang isda
ug ang
dagkong alimango nga
gitunoan

di sab gihapon ko
mabusog

bisag giuhaw kaayo
kos san miguel beer
ug motungab kog
lima ka botelya
(ra)

apan di gihapon ko
matagbaw

kay ania kitang tanan
nag-iyahay ug bulikat sa atong
mga samad kaniadto
ug hikap sa atong mga bunol

gitultol na usab ang kahapdos
dayon natog
dungan ug danguyngoy
nga morag namatyan
tag baki
o kaha ba morag mga
manok nga gipangdungoy
o mga unggoy nga
nabitik sa mga lit-ag
o mga iring nga nalaphawan
anang gabukal nga
tubig

kapoy na,
kapoy na jud kaayo
mas maayo pag mag-inosara
basa basa, sulat sulat,
hay-ad hay-ad sa papag
duyan duyan sab
diha sa lapyahan
ug
manamin
ug mopahiyom lang pod
panalagsa

sakto na kana alang kanako
mabaw na lang pod baya
ang kalipay sa
tiguwang nga nakakaon
ug daghang tagam.

ang kahadlok
mao ang nawong likod sa gugma

ang kahadlok usab kuno ang sinugdanan
sa kaalam

kon mahadlok ka unsa ba ang imong buhaton?
mibukot kas habol?
mikaratil kag dagan?

o wa kang kalihok
wa ka katingog
misiga ang imong mga mata

o kadtong nakuyapan ka
unya gipukaw ka
dayon nangutana ka ug
ngano? naunsa diay ko?

kadtong midagan ka, o mibukot kas habol
o nasiga ang imong mga mata
o nakuyapan ka,

milalom ba ang imong kaalam?

nakat-onan mo ba ang paghigugma
sa imong gikahadlokan?

sa laing bahin,
unsa ba god kining atong gikahadlokan?

nahadlok ka ba sa Diyos?
nahadlok ka ba sa imong dangaan ugma?

hadlok ka bang mamatay
unya maimpyerno?

o nahadlok
sa wa pa nimo masayri?

nangutana lang ko
gitubag ko na kini sa akong kaugalingon

ikaw sab,
tubaga.

ng adlaw nanghambog
nga sa iyang kainit
imong gihubo ang imong
sapot

dili ko adlaw.

apan manghambog ko
kon imong gisapotan ang mga gahubo

o bisag ikaw na lang
palihog tabuni ang dili nato angayang
makita
sulod sa simbahan

itago ang dili balaan
ang imong giingon nga imong ikaulaw

ipakita ta ang
dan-ag, kanang kon mosulod ta sa usa
ka balay
mopahiyom kanato ang
nagdapit

salohan nato ang makapaduol
kanato
sa atong mga kasingkasing

hindi politikal ang lahat Enrico

(poem written in 1980 at the last page
of a law book)

umiinog ka sa isang kwadradong lohiko
ang kaliwa't kanan ay
pinapareho

ano man ang haba ng isa ay siya ring haba
ng kabila

hindi sa lahat ng araw sisigaw ang bibig
ang ibagsak at lumpagin
ang lahat ng anyo
ang haligi't bubong
ng bayan ng tao

meron ding panahon
sa pagtikom ng bibig
sa pag-aamo ng isang daluyong
sa pagbubukas palad ng dalawang kamao
tungo sa isang palakpak
sa isang kagandahan

ang isang hardin na puno ng mga
halamang malapit na matuyo
ay dadalawin din ng isang ulan
at magiging sariwa ang lahat

aawit ring muli ang mga ibong
nasa loob ng ating mga puso

hindi plakard ang lahat
hanggang kamatayan Enrico.

collateral damage

ang naalaan mong iro nga milabang sa dalan
anak kadto ni Mosoy

kadtong tambok nga babaye nga nalubong sa
lapokan, kalooy sab nga naalaan mong kabaw

kadtong gilabayan nimo sa tulo ka granada
ingon ka nga naalaan mong buang nga rebelde

mga manimbahay intawon kadto nga mga saksi
ni Jehovah ug kadtong inyong gilibotan ug girakrakan,
mosque kadto intawon sa atong mga igsoong moslem

unyang gabii human sa imong giingon nga kahago aron
mawala ang kakapoy sa imong lawas,
mag-inom mo sa imong mga sangga,
dayong mahubog ka, dayon magyawyaw

unya sa dihang mituyok na ang kalibotan
nga morag kote nga gibuhian sa iyang hapos,
mohagok ka

ug mamatay,
maayo unta ug
tagboon ka didto
sa imong naalaan.

nakalimtan
na nako ang
tanan

unta

apan sa dihang
akong gikulitog ang
akong dunggan
ug tukog nga dunay
nilikit nga gapas
sa tumoy nga
gibasa nako
sa lana

gibati nako ang
kagilok

gisigi nakog
kulitog

unta nakalimtan
ko na ang tanan

unta na
lang.

bisan ug lalom na kaayo
ang kamingaw sa iring
nga sa bintana nanampiling

bisan pa ganig gusto na kining
moambak sa bintana

wa ka manumbaling
mikuha kag sanga sa bayabas
ug imong gilatos

"hmmp, ikawng iringa ka,
pahawa diha
hala ambak, ambak!
siyam man kaha kanang
imong kinabuhi"

kon makasulti lang unta
ang iring sa iyang gibati
mausob ka gayod unta.

KITA NGA WALA MAGDAYON

katre
sa kilid ang lampara
sa laing bahin
ang lingkoranan

ikaw ang adlaw
ako ang bulan
ug kadtong uban
ang mga bitoon

daghan ang
mag-ilog sa atong
kahayag

katreng walay
natulog
lamparang gipalong
lingkoranan
giabogan
sa hulaw sa
atong panahon

 

 

BALAK ALANG SA DATO NGA AMO NI MELANIA

NGANO ba
nga ang kaguol sa imong katabang
gihimo mo mang
mga dwende?

gipataya ng iyang bana
ug wala ang hustisya
wala katilaw ang iyang anak nga dalaga
ug pag-eskwela
ug ang iyang anak nga lalaki
nagpaulipon sa layong lugar
ang ilang pasko usa lamang ka kilong bugas
ug tulo ka bulad nga palotpot

unsa ba ang imong kaguol?

nga wala kauli ang imong abogada gikan sa america
kay nawili sa iyang uyab
nakansel ang flight agi sa snowstorm
unya ang imong bana usa na lang ka milyon ang bonus
sa corporasyon nga iyang gitrabahoan
unya ikaw
wala mapalit ang gikahinaman nga dyamante
alang sa imong dughan ug dalunggan
ug tudlong taas ug pution

nag-iyak kag duha ka gabii
naghubog
unya ang imong katabang nga wa dayon
mitunol sa bugna nga tubig
giayo nimog binaboy ug kasaba

Pagkadako gayod sa imong kaguol
Pagkawala gayod nimoy puangod.

pakighinabi sa diseotso nga estudyante sa U.P. Lahug

unsay imong ngan? pilay imong edad?
dis-a ka nagpuyo? kinsay imong wife?
asa siya karon? pilay inyong kids?

nganong nagsulat ka man ug balak nga
binisaya? nagsulat ka ba usab ug iningles?
unsang balaka ang kinalamian nimong
nasulat? asay maot adto? tigbasa ka ba
usab ug mga libro? unsay imong mga rason
nganong tigsulat ka man?
unsa man kaayo ang tema sa imong
gipanulat?

alas dies trenta na sa gabii, unya pagkahuman
nakog tubag, sagol binotbot, ug sinipat,
ingon siya, "excuse me sir, gitawag na ko ni
mama, matulog na daw ko kay klase pa ugma"

ang di nako malimtan, ingon siya, sir,
maglisod jud mig binisaya sa klase,
unsaon na lang?

unsay imong ika-advise? u huh?
inday, pagpuyo sa carbon, immerse
sa taboan, ug kon mahimo kuyog sa
imong mga barkadang englispaka,
paghubog mo sa junguera, dayon
kantaha ang kang yoyoy, gikan alas
dies sa gabii hangtod alas tres sa
kaadlawon.

ayaw bayag saba sa imong mama.

ALANG SA HILANG UG NGIPON

ambot naunsa na god ni
nganong giganahan ko nimo
nga kanang imong ngipon
sa atubangan
hilang man

giayo nakog hunahuna

kanang kahaw-ang sa hilang
mong ngipon
kanang naa sa tunga
lami sudlan

mao gyod seguroy akong
giganahan

kanang bangag, kanang
makabuang nga bangag
kanang bakante nga gialihan
sa duha ka puti nga ngipon
sa ibabaw sa pula nga
bag-ang

kana guro ang akong
gikamingawan.

kon nagtoo ka
kadtong nahibilin
magsubo hangtod
sa kahangtoran
nan
ikaw ang tawong
kanunayng
magmatag buntag

may asim pa si
misis

naay bag-ong
tablet si bunso

kuragan na
ang imong dalaga

unya
uwagan na kaayo
ang imong
bayongbayong

may gulong ang
buhay ondo

ang pilit kaayong
budbod
mapan-os ra
gihapon

ang isdang
malitubong
madubok

ang itlog matibugok
ang himungaan
mangiti

ang sunoy
motultol gihapon
sa iyang
mga tugtugaok

ang anay
magbakya

ang sili mohalang
ang hulagway
mohupas

ug ikaw nga mibiya
wa dungga
nga mobalik.

samtang
gihandom mo ang
lamdag

ang kangitngit
nga naghabol sa imong
gugmang
tinagoan
diha kaniya
misayaw nga mora bag
iyang kang
gisura

ang lamdag
wala mitingog
giabli ang iyang
mga kamot
ug iya kang
gipaabot

nagyamayama pa gihapon
sa kauhaw sa gatas
nga dili na angay kaniya
ang batang wala pa malutas
sa kapait sa
panyawan

ang iyang inahan nga
nanglaba sa iyang mga inihian
nagdakdak sa tanan niyang
pailob
gipalapos sa pikas dunggan
ang kasamok
nga hagbay ra niyang
nasabtan

BALAK SA PAGDAYEG

gilabay ko ug dakong
bato ang lapad nga dagat
wala ako'y nabati nga
kasuko gikan kaniya

misyagit ako sa wanang
nga hangin
wala ako'y nadungog nga
pagsumbalik gikan
kaniya

ang Ginoo lapad nga dagat
dakong wanang sa hangin

kita ang tiglabay sa bato
kita ang misyagit ug ang
mihagit

wala kitay nadungog bisan usa
gikan Kaniya

wala diha sa katam-is ang katahom.
makadaot lang kana sa imong ngipon
makalanag sa kasingkasing

kon natilawan na sa imong dila ang kapait
og kini misurop sa imong dughan
ug nakapahilom sa sabaan mong hunahuna
nan, anaa na diha ang katahom

og kon ang kapait milugdang na sa
salog sa imong kasingkasing
panahon na kini sa pagpasalamat
sa gamugna nimong Makagagahom

nahisama ka na sa iyang panon
ug sa hugot ikaw iyang gakson.

mas nindot kaayo ang kataposang kahayag
sa kinatumyang pabilo sa kandilang nahilis

subo ang iyang pagpunay ug iyak
apan pagkatahom sa iyang mga lusok sa luha
nga sama sa mga bitoon
gagilakgilak.

ang kanhiay tang
mga kalipay

tiling-tiling nga ice cream
bugnaw sa ibabaw sa
apang kagubkob
og sopas nga gahi
init-init sa adlaw

mga sinsilyong ulat
ug katawang tibuok.

wala kaayo nato
matugkad ang kaanyag
sa kandila nga
nagsunog sa iyang kaugalingon

kadtong naghunos sa ilang
kinabuhi
ug gahurot sa ilang kahayag
wala na kapanahon ug
pagsulti kanato niini

kadtong ilang gisulat usa man
lang god ka
panamilit

wala na nila masugid pa
ang panaw
wala na pod silay katungod
sa pagsugid sa ilang
pag-abot

ALANG SA PIKON

taas ra kaayo ang akong
dila
sa imong mabaw kaayong
lubot

mas nindot kaayo ang kataposang kahayag
sa kinatumyang pabilo

subo apan pagkatahom.

GUTOM NGA NARCISSUS

ning gamayng pinikas
kong unod
akong gisawsaw
sa imong suka nga
giahosan ug
gisilian

gikilaw ko ang
akong kaugalingon
haskang halanga
sa akong dila
ning akong kagutom
gisumsuman ko ang
akong palad

sa akong kauhaw
gisalod ko ang akong singot
gisamdan ko ang akong
kasingkasing
ug sa hinayhinay
giinom ko ang akong
aslom nga dugo.

kon nagtoo ka
kadtong nahibilin
magsubo hangtod
sa kahangtoran
nan
ikaw ang tawong
kanunayng
magmatag buntag

may asim pa si
misis
naa bag-ong
tablet si bunso
kuragan na
ang imong dalaga
unya
uwagan na kaayo
ang imong
bayongbayong

mag gulong ang
buhay ondo
ang pilit kaayong
budbod
mapan-os ra
gihapon
ang isdang
malitubong
madubok
ang itlog matibugok
ang himungaan
mangiti
ang sunoy
motultol gihapon
sa iyang
mga tugtugaok
ang anay
magbakya
ang sili mohalang
ang hulagway
mohupas

ug ikaw nga mibiya
wa dungga
nga mobalik.

kining
kamatayon kon imong
imbitahon
dili moanha
magpadilidili
unya ikaw nga
nagdali
nagputong
unya kadtong
nahibilin
nag-ungot
ang kapungot
nganong sa imong
mga kamot
gihupsan mo
ang tambok.

usa ka sa tipak
sa buak nga samin

sa kangitngit anaa
usab ang kandilang

hapit na maupos
ang kahayag

giaghat ka niya
sa paghulam sa

tipik sa iyang kahayag
bisan kadyot lang

hulman mo kini
ilamdag sa ilalom

sa katre nga gitapokan
sa daghang abog.

ang saktong tawo makamaong mosabot

nga lingin ang kalibotan
nga ang adlaw adunay pagsubang
nga ang bukid sak-an ug kanaogan
nga kon mahinog na ang mangga
dili na gyod kapugngan ang pagpulak
nga kon mapuno ang panaksanan
aduna na gyoy pag-awas
nga ang kaulag mora sag dagat
motaob mohubas
nga ang gugma
yaw ug too nga walay utlanan

dunay kataposan ang tanan
bisan gani ang balak nga dili kaayo
masabtan
matapos lang gihapon
sama sa kalibog sama sa kalilong
matapos lang gihapon

dunay samin ang kinabuhi
naa ang kamatayon.

ang daotang sagbot
lisod purilon
kon imo kining putlon
motubo kini
dayon

ayaw kasuko kon ikaw
ang akong gilantaw.

balak nga dunay gamayng englispaka

imagine na lang
nagkita tang duha
in one of those
narrow alleys
kulba our hearts
kay seldom ra nga
this happens
by accident lang
wa nato damha
walay langanlangan
kay lagi life is too short
so? hold kos imong hand
wa ka mipalag
misud tas motel
300/hour lang
wa tang kapugong
sa atong mga raging
rivers

(censored na)

pagkahuman siempre
goodbye kiss with matching
tears

then ask ka
when naman pod ta?
nus-ang sunod nga
hapwag?

not sure, ingon ko
depende na lang sa
eskapo ug
pagkalingat
sa mga tigre og
leon
nga nakatag-iyag
ulipon.

sahay, nagtagbo
ta
kita nimo
gaagbay kos akong
asawa

sakit, di ba?
mao nay giingon
sorry na lang
unsay gi-inter?

kanus-a pa kaha
magkita ang luwag
ug kasili?

coming soon
sa theaters near you
two of us
on a few stolen moments

emote bisag pungot
puno na ang jeep
busa ikaw na gyod
ang mogunit
kabit.

walay utlanan

ang saktong
tawo makamaong mosabot

nga lingin ang kalibotan
nga ang adlaw adunay pagsubang
nga ang bukid sak-an ug kanaogan
nga kon mahinog na ang mangga
dili na gyod kapugngan ang pagpulak
nga kon mapuno ang panaksanan
aduna na gyoy pag-awas
nga ang kaulag mora sag dagat
motaob mohubas
nga ang gugma
yaw ug too nga walay utlanan

dunay kataposan ang tanan
bisan gani ang balak nga dili kaayo
masabtan
matapos lang gihapon
sama sa kalibog sama sa kalilong
matapos lang gihapon

dunay samin ang kinabuhi
naa ang kamatayon.

ikaw ang ibabaw

mas ganahan ko day
nga ikaw ang ibabaw

akoy manguhit ug
hinog nga kapayas

ako ang monganga ug
moinom sa imong pag-ulan

oo, ikaw ang akong adlaw
ang bulan ug ang mga bitoon
ako ang imong kalibotan
ang bukid ug kapatagan

pagkahuman ning tanan
mahinanok kas katulugon
ug ako ang kahaw-ang
nga mibilangkad sa kawanangan.

ang ilang gitunglo nga unta mamatay na

mikitoy na ang iyang mga tudlo
kon ingnon siya nga iisa ang iyang walang tiil
iya na kining maisa
ug sa dihang miingon sila nga mopauli usa
sa balay
ug mibabay
mibabay usab siya

gikaulaw na nila ang pagpatahi kaniya ug
nindot nga sinina nga unta iyang isuot sa ilang
gipaabot nga haya

wala na niya mapanumbaling ang gadugo nga agtang

daghang mikatawa
sa usa ka tawong napandol sa bato
tungod kay kini
nabuang og tan-aw sa gagilakgilak
nga bitoon

pagkadaghan sa bitoon nga iyang
nakita
ug wala na niya mapanumbaling ang
gadugo nga agtang

GABON

ang mga gabon
miabot, hinay,
wala kini nagpuyo
ug dugay
kanunayng kuyog
kini sa hangin ug
dayon mawala
ug ato kining
malimtan nga morag
wala kini diha sa
atong tugkaran

luhang gaagas

kusog ang ulan
kagabii ug
wala kini undang
hangtod
sa kabuntagon

gipamati mo ang
iyang gipanulti
ang iyang hagulgol
nga morag uwang
sa irong nakakita og
dili ingon kanato

nanamin ka sa
sayong kabuntagon
baga ang gabon
ug hanap ang imong
nawong sama sa
usa ka panglantaw
sa usa ka
nagmasulub-on
sa dihang ang mga
luha nagpunay ug
agas diha sa kunot
na nga aping.