Friday, December 11, 2009

unsa kaha no?

unsa kaha no
kon nakakuyog ako sa convoy
paingon sa shariff aguak
og naapil ko
sa gimasaker nianang
ginganlag ampatuan?

ahh, seguro
dili ko na igkita ang akong
usa ka kamot
og ang akong atubangan
og sampot
maayo gyod segurong
pagkabotbot

ahh, seguro
ikuyog akog lubong
didto sa dakong buho
sa taas sa bungtod
kuyog sa akong
easyride nga
gakagolkol sa
kaguba

ahh, kanang panahona
mabutang na gyod
seguro ang akong
nawong
nga nagusbat sa
bala sa armalite
sa front page
sa Inquirer

unsa kaha no?

buyag. simbako.
ipalayo
sa pito ka lawod.

sikat kaha ko?

No comments: