dinhi ikaw ang init kaayo nga adlaw
ako ang balas
halhag, uga, og palidpaliron sa
hangin
daghan ang hangin
naghandom ako nga mahimong dakong bato
apan kutob lang ako dinha
wala'y natuman sa daghan kaayong
mga damgo sa balas
mihangad ako sa wala'y utlanan
og ikaw sama sa uban
misalop
nahanaw
balas lang gihapon ako nga nangandoy sa
nawala nakong dagat kaniadto
No comments:
Post a Comment