ayaw kabalaka higala
aduna ra gihapo'y panahon nga ang imong gidamgo
matuman
ang mga damgo kamaong magpaabot
lalom ang ilang mga pailob
og moabot ra ang panahon
bisan kanus-a og bisan asa
(wala ako'y saktong kasayoran niini)
nga kini maabtan mo ra
mahikap mahagkan magakos
ang mga bintana mangaabri
og ang mga pultahan
magnganga
ang langit matunga og
ipakita kanimo ang agianan
mora ka og anaa sa pantalan
diin miabot na ang barko
og ikaw ang pasahero
og dayon dalhon ka sa lugar nga alang lang kanimo
nga sukad sukad wala pa gayod nimo makita
No comments:
Post a Comment