Monday, December 7, 2009

casual sex

pagkahuman sa usa ka init nga kagabhion
gikuha niya pagbalik ang iyang mga bukton
og gibilin sa iyang mga lapa-lapa ang kahilom

hubo siya nga nahikatulog sa katre
gipistahan sa bulan
samtang siya nahinanok sa usa ka lamian kaayo nga damgo

alas diyes na sa buntag sa dihang nakamata siya
wala mibangon
gitutukan ang kisame nga nahimong usa ka wanang sa mga gapnod
migawas ang pipila ka pulong sa iyang ngabil
nagsalimuang kini morag mga tigulang nga naglantugi
dali lang ang pagkalimot

mibangon siya
gisuot ang iyang sapot og ang iyang sapatos
gisudlayan ang mga buhok
gitagkos aron mahapsay
ang iyang hulagway

kadyot lang og siya andam na
sa pagbiya
ang iyang mga hunahuna nahisama sa usa ka tamsi
nga nangitag kabatogan
bisan og usa ka sanga lamang sa bayabas
diin siya mopahulay
aron mahikalimot

No comments: