inday
bisag sakit na kining akong mga mata
og tinutok sa imong katahom
lantaw lang gayod ako
kanimo gihapon
gikan sa imong buhok
sa imong agtang
paingon sa
imong bilahan
hangtod sa imong mga kumagko
ako lang gayod gihapong
lantawon
bisan gani siguro og mangahulog na
kining akong mga mata
og mangasunog na kining akong mga pilok
ako gihapon tikang
lantawon, tutukan, pistahan,
himbisan,
apan pagkahuman
paglabay niining akong kalipay
og sa pagkamatay na unya sa akong
kahinam kanimo
palongon ko na ang tanan
sama sa lamparilya
kay mopahulay na ako
sa tumang kangitngit
saaran ko ang akong kaugalingon
dili na taka damgohon
tandayan ko na lang una
kining akong
asawang patay na
sa katulugon
No comments:
Post a Comment