iyang gidakop gikas sa sapa
kay ganahan siyang
mohikap anang baki nga buhi
nga magkokak-kokak
sa iyang lamesang
pahak
og tuod man
iyang giplastar ang baki nga buhi nga mikokakkokak
sa iyang lamesang pahak
og samtang
nag-amag ang mga mata
sa baking haskang kurata
gihinayhinayan og
dissect
ang hagtek
gipanitan (ang thick skin)
gitagsa-tagsa og remove ang muscles
(as in unod)
og bones
(as in bungkig nga bukog)
og giayog compare sa frog anatomy book
ang iyang
nervous og circulatory system
meticulously
& patiently as a
(cliche..spider)
kasakit sa gibati nga
feelings sa baki
nga gitusok ang backbone
sa dakong dagom
aron ma-numb
para wala na kunoy
even slight pain
sigig pahid sa dugo
ang iyang fingers
og
(luha sa baki
kabalo diay'ng mo-cry ang poor frog?)
buhi pa gihapon ang baki
samtang ang maong anatomist nagsigig
tukituki
dukiduki
duikduik
kutikuti
ukit-ukit
itok-itok
koti-koti
koit-koit
og ako nga naglantaw,
nakaiyak sa kalooy
sagol sa kapungot
sa maong pag-rape
......
mao kana ang nahitabo
sa imong balak
og kanimo.
No comments:
Post a Comment