alang kanimo nga mahigugmaon sa kamatooran
sa pag-ingon sa doktornga ikaw adunay kanser sa atay
unya stage iv na
dili ba mas lami unta kon
kadtong iyang gibutyag kanimo
dakong bakak?
kon ikaw ingnon nga ang imong asawa baog
nga dili na gayod kini manganak
dili ba mas nindot unta
nga kining matanga usa ka
bakak lamang?
kon moabot ang balita nga ang imong igsoon
gipatay sa inyong saop sa bukid
og gitadtad ang iyang mga bukton
og gibuak ang iyang bagolbagol
dili ba kaha nga mas nindot kon kini
usa ka bakak lamang?
kon ikaw makadawat sa balita sa imong amigo
nga ang imong igsoong lalaki usa sa mga gikidnap
sa abu sayaff nga siya na ang isunod nga
putlan og ulo
dili ba kaha mas lami pamation nga kini usa
ka bad joke lamang?
mao kana ang mga bakbak nga mikokak
diha sa imong hardin nga hinimo lamang sa hangin
No comments:
Post a Comment