gitago mo ang tanan
apan hangtod asa ang utlanan?
nagtudlo ka sa gugma
apan bulag ka sa imong bana
nagtudlo ka sa saktong pagdumala
sa mga anak
sa pagmatoto sa usa ka balaanong pamilya
apan wala kay anak
apan wala kay pamilya
gubot ang imong agianan
daghang buling ang anaa sa imong agtang
mohisgot kag silhig nga daan og gabok
unsaon mo kaha kini pagsilhig?
mipadayon ka sa imong buluhaton
nagpakabutabungol ka sa imong himamaton
misamot og kalayo
ang balay nga gipuy-an sa imong mga pulong
No comments:
Post a Comment