natulog siyag alas singko sa hapon
mao nga nakamata og
alas tres sa kaadlawon
sa sobrang tulog nanghubag
ang iyang mga mata
og sa dihang milabay siya
sa tugkaran sa iyang
silingan nga naglingkod
sa tumba-tumba nga lingkoranan
nahimoan gayod siyag
mga sugilanon
nabilar
nakasab-an
nasirad-an og walay
yawe nga pang-abli
sa pultahan
gipun-an pag nindot
kaayong pakapin
nga siya gibulagan
na sa iyang asawa
kataw-anan usahay kining
atong silingan nga dili kasaligan
laming hiloan
No comments:
Post a Comment