Saturday, October 11, 2014


ang kalabera sa dugay ng patay
nga pwede nang habwaon aron
pulihan sa bag-ong miabot nga
batan-on

wala nay sulod

kaniadto daghan pa kining
tingog, sama sa awit sa uwak
agik-ik sa mga kikik
pangulipas sa bugsay didto
sa giagiang busay
kanaas sa kampay sa kataw

karon mora na lang kinig
kampana nga walay dila

tilaok na lang nga walay
kalembang

lahi na kaayo kaysa kaniadto

No comments: