mY secreT ponD

LAHI NGA PANGLANTAW

morag kadako sa mais ang imong mga luha
nga midagayday sa aping.
wala nako nabati ang imong kasakit.

sukwahi sa tanan, gibati nako ang dakong kaulag.
adunay mitubo kanako.

lahi ang akong nakita sa mga luha.
wala ko matilawi ang kaasgad.
wala ang kahapdos.

gibati ko ang kagilok sa dagayday

niadtong gabii
diin ang bulan napusgay
didto sa bungtod
nga gaaslay.