Wednesday, February 5, 2014

ANG MGA IT-IT UG ANG MGA UWAK

kaniadto
makita pa nako ang mga it-it
nga nagpatong sa
palwa sa lubi

mao kadto ang mga langgam
nga gagmay
apan kamaong makigharong
sa mga uwak

nindot tan-awon
ang gubat sa gagmay batok
sa dagko

sa asul ug sa itom

karon wala ko na sila
makita
nahanaw na sila

nahanaw na ang
mga gagmay nga
kamaong makigbisog
sa mga dagko
nga kusog
modaogdaog

ang mga uwak usahay
manglabay sa
kalubihan
kusog kaayo ang ilang
mga tingog
nga mora bag
nanura kanako

ako nga midapig
sa mga it-it
ako nga gimingaw
kanila

ako nga karon
nagpakahikom lamang
sa pandong
sa mga balak

No comments: