Friday, August 9, 2013

dili ko makatoo nga ikaw diay mismo ang nangilog ug asawa sa atong silingan.

kadtong gagmay pa kitang
bata
dakong sumbagay ang nahitabo
sa dihang
giilog sa imong kadula ang
imong tarak-tarak nga
kahoy

ang imong lastiko nga lima ka buok
unya upat na lang ang nahibilin
kay gikawatan
imong giiyakan

ang imong bisiklita nga tayaon na og
manobela
di gani ka pahulam

mahimong dakong patay seguro ang
mahitabo kon ang imong asawa tabanon
ug lain

dakong gubot gayod sa tibuok kalibotan
kon ang imong uyab hagkan ug lain


dili ko makatoo nga ikaw diay mismo ang
nangilog ug asawa sa atong silingan.

No comments: