kab-oton ang langit
bisag dila na lang ang
di molabod
hakpon ang mga
bitoon
bisag mangaputol
ang mga tudlo
sarapon ang mga
isda bisag buslot
pa ang mga pukot
tiradoron ang buwan
hagkan ang adlaw
sulngon ang bagyo
kawaton ang bangkil
sa dugdog ug liti
langoyon ang pito
ka lawod latason
ang kawhaan ka
mga bungtod
apan kon masamdan
ang kumingking
dayog ingon:
aguy! lecheng yawa
kinsay mituslok nako ha?
bantay ka lang.
No comments:
Post a Comment