miabot na ang panahon
nga hinog na kaayo og ania
na ako sa pagpamupo sa
mga bunga niini
nahitabo kining paglabong
sa hinay hinay nga pagpatay sa
mga pagbati og sa pagbuhi
sa ilang gitawag nga
saktong panghunahuna
hapsay nga pamuyo
diin ang habol sakto nga pagkapilo
diin ang alugnan
anaa naglutok ang panan-aw
sa mga bongbong
nga walay pintal walay bulok
gipasulod ang hangin
gikan sa pultahan nga kanunayng
giablihan
namati ka sa mga tambag
og imo kining gisunod
karon pamatia ang ilang awit
sa pagdayeg
diha sa imong haya sa imong
wala damha nga
kamatayon
No comments:
Post a Comment