Friday, September 4, 2009

orocan

si inday lilia
nga gikiha karon og estafa
sayo sa buntag
nanuktok sa balay
aron unta siya
tabangan
sa pagbayad sa
iyang
mga giutangan

(nakalimot
baya siya seguro
sa iyang
duha ka libo nga
utang diri kanako)

nag-iyak
naghinuktok
kay basin na
og panahon na
nga siya
mapriso

(sa sud sa akong
dughan
sama sa imong
gihunahuna

nakaingon kog

mirisi!)

pero sa iyang atubangan
lahi
ang akong nabungat

kabalo ka?

nakaingon kog
relax lang inday lilia
kay walay
tawong mapriso
og utang....

No comments: