abi niya ogbaki ang iyang nakita nga
nangandam nga moambak
sa iyang dughan
nakaluhod siya sa
pagpaniid og wala siya makatoo
sa iyang nabuhat: gihanggab
niya
iyang gipaak
gisulayan niya pagtulon apan
wala madayon
mikang-a ang akong mga bitiis
mingisi ang akong pondeyo
nawad-an sa panimout ang akong
butones
wala ko na gisusi kong
aduna pa ba siya'y kaulaw
kon nalimtan na ba niya ang
iyang pagkabata kaniadto
samtang nagpang-os sa tubo
wala'y mabasol
nahitabo na ang pag-ulan
diha sa nauga nga kahinam
wala na maghisgot
ang mga bulsa og ang
sidsid nagpatigkol.
No comments:
Post a Comment