kon unsa kalami ang imong pagtintal kanako
kon unsa ka
anindot ang atong pag-agulo
mao usab kana
ang kainit sa kalayo nga misunog
sa akong kalag
nianang ilang gihandom nga
kalayong walay pagkapalong
wala na ako malisang niini
naanad na ako anang
mga pagpanghadlok og kon
masugdan ko na ang akong
pagpanaw kon mahimo
mosulod ako sa ganghaan sa
kamatayon lusot paingon sa
ganghaan sa ilang impyerno
og sa kalooy
sayod ako nga diha sa pagbasol
sa kasingkasing sa kaulahian
mangabli ra ang pultahan sa langit
og madungog ko ra ang awit sa akong
anghel nga hagbay ra nga nagpaabot
sud didto alang kanako
No comments:
Post a Comment