i
kon dili ka matulog
og sayo
na kan-on ka gayod
sa wakwak
ii
kon maligo ka
sa sapa nga wala'y
klarong pananghid
na birahon ka
sa ukoy
iii
kon magsugba ka
og isda
sa mahal nga adlaw
talumtumon
ang imong nawong
iv
kon dili ka magpatuli
magniwang ka
og magdaut
v
kon tunlon nimo
ang liso sa santol
motubo ang
dakong kahoy
diha sa imong agtang
vi
ang dili motoo
pwes masunog sa
kalayong walay pagkapalong
didto sa
impyerno
No comments:
Post a Comment