Friday, April 13, 2012

sultihan ta ka karon kon kinsa si juan de la cruz,

 



ah, dili na kadtong tawong naglakaw nga nanguros
dili na sad tong nagdukoduko kay nangitag usa ka dako
nausob na ang panahon

sugdan ta: kadtong sigig anggol anggol ug numero
aron kadaug sa swertres, kadtong mangutang ug ipusta sa lotto

kadtong miuli nga hubog, nakaihi sa purol, nagsuka sa salog,
natumba nga morag patay, nga haskang bahoa,

kadtong janitor sa opisina nga gipersonal nag sugo sa iyang
amo sa opisina, pahatod sa anak sa school, bayad koryente
palit ug sud-an, hatod sa mrs sa airport,l

kadtong gilupigan

kadtong panday nga walay balay
maestro nga di kapaeskwela sa anak
mangingisda nga walay sud-an
kadtong tighimo ug sapatos nga walay sapatos 


kadtong gailaid sa kalisod,

 kadtong wa kahuman ug eskwela
kadtong galingkod sa daplin sa tersera,
galibog sa dagan sa iyang kinabuhi

daghan pa, 
 kapoy na, 
way kahumanan kini si juan de la cruz,
kabalo ka ana,
 sumpayi na lang palihog, ...