sa bata ka pa
lahi kang daan
didto sa kalachuchihan
wa ka mokatkat ug nagkapyot-kapyot
nga morag si tarzan
nagtagad ka lang sa ubos
nagpaabot kon kanus-a mahulog
ang iyang mga buwak
unya sa dihang milabay ang hangin
nalipay ka
nga naglantaw sa mga nangahulog
ngabuwak niini
imong gihagkan ang maong
mga buwak
nga nangahulog tungod sa imong
tiilan
dayon nimog himo ug kwentas niini
aron ihatag kang
Nanay
