kon mitoo ka
lamang sa imong kaugalingon
diha sa kalig-on
kaligdong, kagawasnon
walay makauyog
kanimo, kining imong sakayan
nga kawayan
bisan adunay mga buslot
sa tubig dili gayod masudlan
dili malunod
labi na kana kon motoo ka pa
sa labaw kanimo
bisan kon ang imong
sakayan dahon lamang
sa saging
o butay sa lubi
bisan sa kusog nga
sulog
o sa bagyo ba hinoon
dili ka gayod malunod
kay diha sa gahom
sa pagtoo
mahimo ang katingalaran
molupad ang dahon
mosirit ang butay
bisan pa ug dili ka na
magbudlay
