unang pag-ambak

pagkabata
pagpili
pagsulay
pag-ambak

ayay!

ang gipul-an nga mananambag

 


misaka ang maong lalaki
sa habog nga
tore
didto dapit sa pantalan

init kaayo ang
kaudtohon sa bulan sa abril

mitungtong siya sa
ukbuanan

milantaw sa ubos
gitikang ang usa ka tiil

nakalingi siya dihang
adunay tigulang nga
gadalag usa ka puko
nga mga bulingong
sapot ug misyagit:

"hala ambak! ambak!
ayaw ug dugaya! "

parehong malipayon

gipahaluna sa babaye ang itom ug taas
kaayo niyang buhok
sa paa sa lalaki

ang iyang dila nanabsab sa
iyang umahan
morag karnero

nindot ang palibot sud
sa iyang hunahuna
init ang adlaw
lunhaw ang kasagbotan
namuswak ang
mga buwak diha sa
dughan

pagkalalom sa ginhawa
sa kasubo nga iyang
gitago sa iyang kasingkasing
busa mipiyong
ang iyang mga mata

ang sud sa kasingkasing
sa maong babaye
mao ang ngalan sa lalaking
nagpaabot kaniya
didto sa kilid sa
tindahan nga
naninda ug painit nga
kape ug torta

wala miabot ang sakayan sa gugma
ning dapita
sa hilom kaayo nga pantalan

midahili ang nawong sa maong babaye
sama sa usa ka
barkong kalunuron

miigwad ang lalaki
diha sa kalami sa iyang gibati

kinahanglan lang gayod kini
sa panahon nila karon
sa ilang tagsatagsa ka mga
katarungan
wala nay ganahan pa nga mamati

pagkahuman niini
manarapo silang duha sa ilang
mga sala

ipatukod na usab ang
gisugdan
ug dayon nilag pamauli sa
ilang
mga pinuy-anan


pareho silang malipayon
sa lain-laing mga rason

2some

 
pagkanindot tan-awon
kining duha ka manag-uyab
nga gadula-dula sa ilang
mga dila sud sa ilang baba
nga haskang basaa na
sa ilang laway nga morag
ulan sa kilid sa ilang
mga ngabil

pagkalami gayod unta
apan unsaon man
kining atong pamalaod nga
duha lang gayod
ug kadtong ikatulo
dakong samok kon unya
mangilabot

laraw sa pag-ikyas

 

nanamin ko
gipangita nako sa akong
aping ang
ang karaang buho sa
akong naulat
nga bugas-bugas
nga basin maoy
mamahimo  nakong
gawsanan