puti nga silaw sa bulansa akong kagabhion
tulabong nga mipanaw
palayo sa mga itom nga
mga panganod. Ikaw
ang nagtapis sa mga
simbolismo mahitungod
kanako, og Ikaw nga
milantaw, mibasa sa
mga kahulugan samtang
ang mga buhok nga taas
mipahuraray diha sa bilahan
sa kahidlaw ang mga kamot
nagpaabot sa usa ka hitabo
nga dugay mo nang gihandom
kadtong mainiton nga
pagsangpit nimo sa akong
ngalan. Kadtong ako
nadakin-as sa tulay sa hangin
og ako isip usa ka bulawan
nga bitoon nahulog diha
sa tunga sa imong dughan
og dayon imo akong gihagkan
og ako nahimong adlaw.
No comments:
Post a Comment