makalingaw

makalingaw, makamuot
hunahunaon, ikaw, nga akong
gihigugma,
nga sa dihang gitangtang ko
na ang akong nawong
og sa mekanismong panglantaw
akong gitutukan
ang kinaiyahan
sama sa imong lawas og
mga hunahuna
mitupad ka kanako og
mipahiyom sa pagdawat
kunuhay sa akong
pagkamatinooron

kon nasayod lang ako
kabahin niini gikan pa kaniadto
sa dihang una kitang nakita
wala na lang unta
ako nagpakatakos nga mosulat
bisag usa lang
ka balak.