L

KON nasayod ka lang nga ang imong mata
mao ang akong adlaw
sa sayong kabuntagon

ang imong mga pilok mao ang akong
mga taytayan
sa akong kinabuhi

ang imong tutok mao ang akong suba
sa akong sakayan
paingon sa lapyahan sa
akong kalag

ang imong buhok mao ang lawod
sa akong mga damgo
nga akong gipanaw
sa matag gabii

kon masayod ka pa lang unta
nga ang akong kasingkasing
anaa sa imong mga ngabil

Kon nasayod ka pa lang unta....