siyam ka oras
kong nagtindog
tupad sa iyang lungon
nga gibutang sa
usa ka taas kaayong
karo nga gilibutan
og mga pangadlaw
nga amarillo
usahay mora
kog malipong
sa kagutom og
kakapoy
alas siete na sa
kagabhion
hapit na kaming
moabot sa iyang
lubnganan
mga duha og tunga
na lang ka
kilometro ang kulang
morag nawala
ang akong mga tiil
morag wala
na koy lapalapa
nga nagdapat
sa yuta
wala kamo
kaayo makabantay
kanako tungod kay
usa lamang ako
ka ordinaryong tawo
sa hut-ong sa
atong katilingban
No comments:
Post a Comment