ay inday,nga gamay, nga nagtam-os
sa usa ka tibugol nga
kalamay,
isulti lang ang
imong isulti
samtang ikaw anaa
sa kahigal sa
kalipay
kon mahimo
kantaha sama sa
ikaw naligo diha
sa bugnaw kaayo
nga sapa
ay inday, isulti lang
kon mahimo
kanang pagsulti
nga dili ka na mogamit
pa ug bisan og usa
ka pulong
ania ako
wala na mamati kanimo
ania ako
milawig sa kalami sa
atong mga damgo
ania ako
mitila sa katam-is
sa imong
hunahuna
ay inday
palihog lang
atong pistahan ang
atong mga agulo
sa tumang kahilom
No comments:
Post a Comment